nazymski koncert
zarjadowanja > 2010
Nazymski koncert Składnostnje 150. narodnin Bjarnata Krawca dnja 5. nowembra 2010, 19 hodź., w hosćencu „Njeswačanski dwór“ w Njeswačidle.
Přeprošenje
Składnostnje 150. narodnin Bjarnata Krawca wuhotuja Chór Budyšin a šulerjo Zakładneje šule „Bjarnat Krawc” Rakecy njewšědny nazymski koncert. Wón wotměje so dnja 5. nowembra 2010, 19 hodź., w hosćencu „Njeswačanski dwór“ w Njeswačidle. W srjedźišću steji žiwjenje a skutkowanje komponista B. Krawca a jeho dźowkow Ruty-Marki a Hanki, kiž běštej samej wuznamnej wuměłči.
Organizatorojo wjesela so na bohaty wopyt tuteho wosebiteho koncerta z wulkimi a małymi spěwarjemi, rejkami a instrumentalnymi poskitkami.
Koncert je zhromadny projekt župy Budyšin, Zakładneje šule „Bjarnat Krawc” Rakecy a Domowinskeje skupiny Komorow/Trupin/Rakecy. Wón spěchuje so wot Załožby za serbski lud.
