wulět
zarjadowanja > 2010
Wo zastojnstwje braški zhonili
Dwaceći zajimcow je so zašłu sobotu na tradicionalnym wulěće našeje Domowinskeje skupiny Komorow/Trupin wobdźěliło. Při rjanym pózdnjolětnim wjedrje dojědźechmy sej z awtami najprjedy do Wěteńcy. W tamnišej Starej hospodźe nas Cornelia Bjedrichowa hižo wočakowaše. W historisce wuhotowanej korčmarskej stwě dachmy sej kofej a słódny tykanc słodźeć. Hawštyn Smoła rozprawješe nam wo swojich nadawkach jako serbski braška a što je w 30 lětach swojeho skutkowanja w tutym čestnym zastojnstwje wšitko dožiwił. Powědaše nam tež tón abo tamny žort a wězo smy sej k tomu zaspěwali. Dalša stacija běchu Njebjelčicy,
hdźež nam Jurij Hanski zajimawostki wsy pokaza. Tak zhonichmy, kak běchu Njebjelčicy w lěće 2008 Europske myto za cyłotne a trajne wuwiće a ponowjenje wsy z wuběrnej kwalitu dóstali. Tež eksponaty mjezynarodnych dźěłarničkow sej z wulkim zajimom wobhladachmy. Swój wulět skónčichmy ze zhromadnym wobjedom w Pančičanskej Starej hospodźe. Tekst a foto: A. Hagerowa
SN 08.09.2010
Čłonojo Domowinskeje skupiny Komorow/Trupin běchu sej zašłu sobotu mjez druhim do Njebjelčic wulećeli.
